Thursday, September 26, 2013

కొత్తపల్లికో చిన్న విరామం...

మిత్రులకు, కొత్తపల్లి చందాదారులకు-

నమస్కారాలు.

కొత్తపల్లి సెప్టెంబరు సంచిక (పుస్తకం 64) ఇంకా రాలేదేమని మీరు అనుకుంటూ ఉంటారు.  ఈ సంవత్సరం కొత్తపల్లిని సమయానికి తీసుకొని రావడం చాలా కష్టమయిపోతోంది- రక రకాల పనుల ఒత్తిడి కారణంగా.

అందువల్ల కొత్తపల్లిని కొంతకాలంపాటు ఆపేసి, పనుల ఒత్తిడి తగ్గిన తర్వాత, వీలును బట్టి మెల్లగా  మొదలు పెడదామని అనుకున్నాము. 

కొత్తపల్లిని అభిమానించే పాఠకులకు ఇలాంటి నిర్ణయం బాధ కలిగించవచ్చు.  ఉన్నట్టుండి తీసుకున్న ఈ నిర్ణయం  ఇబ్బందిగానే ఉంది.  అందరూ అర్థం చేసుకొని క్షమించగలరు.  మీ అందరి సహకారం లేకుంటే మేము 63 కొత్తపల్లి పుస్తకాలు ప్రచురించి ఉండగలిగే వాళ్ళం కాదు. చాలా మంది మిత్రులు, శ్రేయోభిలాషులు ఇచ్చిన అమూల్యమైన సమయం, సలహాలు, ఆర్థిక సహాయం ఈ పనిని ముదుకు నడిపించాయి. వారందరికీ మా ధన్యవాదాలు.

చాలా మంది చందాదారులకు ఇంకొన్ని పుస్తకాలు పంపవలసి ఉన్నది. ఉదాహరణకు గత హైదరాబాద్ బుక్ ఫెయిర్, విజయవాడ బుక్ ఫెయిర్ లలో చందాలు కట్టిన వారికి ఇంకా ఐదేసి పుస్తకాలు పంపవలసి ఉన్నది. వాళ్లందరికీ ఎవరికి పంపవలసిన కాపీలకు సమానమైన డబ్బు వాళ్లకు తిరిగి పంపబోతున్నాం- ఒక్కరొక్కరుగా  ఇప్పటికే ఈ పని మొదలు పెట్టాము కూడా. అక్టోబరు చివరికల్లా అందరికీ మిత్రులద్వారాను- వాలంటీర్లు, మనియార్డరు, చెక్కుల ద్వారాను- వాళ్ళ వాళ్ళ డబ్బులు తిరిగి అందజేస్తాం.

పత్రికను ఇంతకాలం పాటు ఆదరించినందుకు ధన్యవాదాలు.  కొత్తపల్లిని త్వరలోనే మళ్ళీ- సరిక్రొత్త రూపంలో చూడగలమని మేమూ ఆశిస్తున్నాం.  అప్పుడు మళ్ళీ కలుద్దాం- అంతవరకు సెలవు.


సుబ్బరాజు, నారాయణ, ఆనంద్
కొత్తపల్లి ట్రస్టు

2 comments:

  1. ఒక మంచి ప్రయత్నం మధ్యలో కుంటుబడటం విచారకరం. మీరు మీ ఇతర వత్తిడుల నుంచి త్వరగా బయటపడాలని, మీ ఉన్నతాశయాన్ని కొనసాగించే స్థైర్యం, సావకాశం మీకు కలగాలని మనస్స్ఫూర్తిగా ఆకాంక్షిస్తున్నాను.- నండూరి వెంకట సుబ్బారావు

    ReplyDelete
  2. kotapalli kutumbam ki namaskaramulu.. sept13 patrika kosam wait chesi eeroje me letter chadivanu. i hope you can start with more energetic and melodious thought. sathya

    ReplyDelete